ممتاز عالم دین مفتی تقی عثمانی نے کہا ہے کہ تمام مسلمان باجماعت نمازوں  اورعبادات سے مسجدوں کو آباد کریں اور نماز عید بھی ادا کریں  ، تاہم انہوں نے عبادات کی ادائیگی کے دوران احتیاطی تدابیر اختیار کرنے کی ضرورت پر بھی زور دیا۔

مائیکروبلاگنگ ویب سائٹ ٹوئٹر پر مفتی تقی عثمانی نے اپنا ایک بیان جاری کیا ہے، بیان میں انہوں نے کہا ہے کہ اب کورونا کے باعث نہ تو کاروبار زندگی کو روکا جاسکتا ہے اور نہ ہی اجتماعی عبادتوں کو بند رکھا جاسکتا ہے کیونکہ کورونا کی وبا طویل سے طویل تر ہوتی جارہی ہے۔

pic.twitter.com/vjRdi1d88X

— Muhammad Taqi Usmani (@muftitaqiusmani) May 17, 2020

مفتی تقی عثمانی نے مزید کہا کہ تمام مسلمان ماہ رمضان کے آخری عشرے کے لمحات کو غنیمت جان کر بے خوف و خطر احتیاطی تدابیر اختیار کرتے ہوئے مساجد کو آباد کریں اور عبادتوں کا اہتمام کریں ۔

انہوں نے مزید امید کا اظہار کیا کہ حکومت اپنی زمے داری اور مسلمانوں کے جذبات کا احساس کرتےہوئے مساجد میں عبادات کی ادائیگی میں رکاوٹ نہیں ڈالے گی۔